Звесткі 90% дарослых расейцаў патрапілі ў адкрыты доступ

Пікам выцекаў стаў мінулы год.

У адкрытым доступе цяпер знаходзяцца персанальныя звесткі амаль 90% дарослых грамадзян Расеі. Яны патрапілі ў сетку ў выніку рэгулярных выцекаў. Аб гэтым заявіў намеснік старшыні праўлення Сбербанка Станіслаў Кузняцоў.

Гаворка ідзе пра імёны і прозвішчы, нумары тэлефонаў, адрасы рэгістрацыі і электроннай пошты, а таксама іншую пашпартную інфармацыю.

Са слоў Кузняцова, пікам выцекаў звестак стаў 2023 год. Іх асноўнай крыніцай ён называе інтэрнэт-крамы і медыцынскія ўстановы. З крэдытных арганізацый, сцвярджае Кузняцоў, «выцякае» не больш за 2%.

Пры гэтым сёлета Сбербанк зафіксаваў рэкордную колькасць ашуканскіх званкоў. Іх пік прыпаў на люты-сакавік, расказаў Кузняцоў. У гэтыя месяцы аналітыкі фіксавалі амаль 20 мільёнаў спроб датэлефанавацца да грамадзян Расеі за дзень. Цяпер гэтая лічба знізілася прыкладна да 6-6,5 мільёна званкоў на дзень, дадаў намеснік старшыні Сбербанка.

Улічваючы гэтыя паказчыкі, у Сбербанку прагназуюць крадзеж у расейцаў сёлета амаль 250 мільярдаў рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com