«Пуціну давядзецца прызнаць сваю паразу ў Беларусі»

Кожны рэжым абрынаецца, нават калі яму малююць 95 адсоткаў падтрымкі.

Усе дзівяцца таму, наколькі хутка ў Сірыі абрынуўся рэжым Асада — за 11 дзён. Чаму гэта адбылося так хутка? Пра гэта і не толькі сайт Charter97.org пагаварыў з украінскім палітычным дзеячам, экс-дэпутатам Вярхоўнай Рады Барыславам Бэрэзам:

- Улада Асада трымалася выключна на дзвюх рэчах - гэта дыктат, пабудаваны на сілавіках, а таксама дапамога Расеі ды Ірана. Іран дапамагаў праз «Хезбалу». «Хезбала» цяпер была цалкам аслабленая Ізраілем, фактычна разбітая. Расея сканцэнтраваная на Украіне. Адпаведна, не здолела дапамагчы. Больш за тое, быў афіцыйны адказ Расеі аб тым, што ў яе зараз іншыя прыярытэты.

Улічваючы, што не было ніякай дапамогі ні ад Ірана, ні ад Расеі, разлічваць не было на што. А сілавікі проста не змаглі супрацьпаставіць нічога арганізаваным паўстанцам. Вось і ўсё, скончылася ўсё вельмі хутка і імкліва. Гэтак падае кожны рэжым, нават калі на выбарах яму малююць 95% падтрымкі.

Пуціну, па-мойму, таксама малявалі 84. Але калі ўпадзе ягоны рэжым (а ўпадзе ён імкліва і хутка), будзе дакладна такая ж рэакцыя. І сапраўды таксама будуць радавацца тыя, хто маўчаў, калі малявалі Пуціну ягоныя галасы на выбарах.

- Галоўным бенефіцыярам падзей у Сірыі называюць кіраўніка Турцыі Эрдагана. Эрдаган перамог Пуціна ў Сірыі?

- Глядзіце, я б не быў такім упэўненым. Сілы, якія прыйшлі зараз да ўлады ў Сірыі, яны не пратурэцкія. Так, ёсць пэўны кірунак, які кантралююць туркі, але яны абсалютна адсочваюць свае інтарэсы. І фармат, які яны будуць выбіраць, будзе не пратурэцкі. Гэта будзе, скажам так, ці ісламская дыктатура, ці вайсковая дыктатура.

Пытанне ў тым, наколькі яны будуць супрацоўнічаць з Турцыяй, залежыць толькі ад асабістых зацікаўленасцяў і матывацый, якія будуць улічаныя ці не ўлічаныя туркамі ў гэтым выпадку. Проста партнёры ў выглядзе Ірана і Расеі будуць замененыя на іншых партнёраў. І не факт, што імі стане Турцыя.

- Пуцін не стаў ратаваць сваю марыянетку Асада. Ці будзе ён абараняць Лукашэнку, калі здарыцца нешта падобнае?

- Пуцін разглядае Беларусь як сваю тэрыторыю, абсалютна сваю. Проста з нейкага непаразумення там яшчэ існуе "губернатар", які адчувае сваю вольнасць. Ні больш, ні менш. Таму ён разглядае Беларусь як сваю тэрыторыю, якая ўваходзіць у склад Расейскай імперыі.

Але Пуцін разлічвае з часам гэта выправіць. Ён будзе абараняць не Лукашэнку, Лукашэнка яму абыякавы, як і кожны іншы беларус. Пуцін будзе бараніць свае інтарэсы.

Але калі ж ён не зможа нічога супрацьпаставіць, калі сілы ўнутры Беларусі паднімуцца настолькі, што ён убачыць сваю немагчымасць гэтаму супрацьдзейнічаць, а ўсе сілы Расеі зараз сканцэнтраваныя ва Украіне, тады Беларусь атрымае незалежнасць.

Калі Беларусь звернецца да Захаду і яе падтрымаюць, то ў Пуціна не будзе ніякага варыянту, акрамя як прызнаць сваю паразу. Чарговая параза пасля Малдовы, Румыніі і зараз яшчэ і Сірыі. Акрамя таго, трэба яшчэ адзін момант не забываць: дапусцім, Пуцін зможа прывесці расейскіх паліцыянтаў, якіх пераадзенуць у беларускую форму, ён зможа нават выкарыстоўваць пэўна прарасейскі настроеных чыноўнікаў унутры ўрада. Але Пуцін не зможа ўвесці войскі ў Беларусь, калі краіна паднімецца самастойна, паўстане народ.

Пуцін таксама абараняў рэжым Януковіча. Калі вы памятаеце, ён дасылаў свой АМАП, ён дасылаў сваіх снайпераў, якія расстрэльвалі людзей на Майдане, ён дасылаў сваіх інструктараў. Гэта ўсё, што ў яго было ў той момант. Цяпер ён, вядома ж, будзе спрабаваць вялікімі інструментамі карыстацца. Але зноў жа, спектр іх не вельмі вялікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com