БЧ уводзіць новы расклад руху цягнікоў
7- 14.12.2024, 20:33
- 3,066
З'явяцца новыя кірункі.
БЧ паведамляе, што з 15 снежня пачынае дзейнічаць новы расклад руху цягнікоў на 2024/2025 год. У раскладзе з'явяцца новыя маршруты, на асобных ужо дзейных кірунках цягнікі будуць ездзіць хутчэй.
Міжнародныя перавозкі
Паміж Беларуссю і Расеяй (гэты кірунак у БЧ называюць "асноўным пасажыраўтваральным") будуць курсаваць дырэктыўныя бесперасадачныя цягнікі ў Маскву, Санкт-Пецярбург, Калінінград, Адлер, Мінеральныя Воды, Анапу, Ніжні Ноўгарад, Самару, Архангельск і Мурманск.
Акрамя таго, арганізаванае паскарэнне асобных цягнікоў. Так час у дарозе цягніка № 302 Менск-Адлер скароціцца на 43 хвіліны, № 301 Адлер-Менск — на 162 хвіліны і № 489 Анапа-Менск — на 102 хвіліны.
Таксама супольна з ААТ «РЖД» Беларускай чыгункай прадугледжанае курсаванне ў 2025 годзе цягнікоў прымежнага прыгараднага злучэння на адцінках Вялікія Лукі/Новасакольнікі-Алёшча (адна пара цягнікоў), Смаленск-Асінаўка (дзве пары цягнікоў) і Смаленск — Завольша (дзве пары цягнікоў) з 1.01.2025).
Цягнікі па Беларусі
Чыгуначнікі абяцаюць, што на кірунках, якія злучаюць Менск з абласнымі цэнтрамі і гарадамі Воршай, Полацкам, Пінскам і Мазыром будуць скарыстаныя больш сучасныя цягнікі. За кошт гэтага асобныя цягнікі будуць пераадольваць адлегласць да Магілёва за 2 гадзіны 40 хвілін, Гомеля — за 2 гадзіны 50 хвілін, Берасця — за 3 гадзіны, Гародні — 3 гадзіны 52 хвіліны.
У непрацоўныя, перадсвяточныя і святочныя дні прадугледжаныя дадатковыя цягнікі на асабліва папулярных у насельніцтва кірунках як у межах краіны, так і ў злучэнні з Масквой і Санкт-Пецярбургам.
На рэгіянальных лініях будуць курсаваць 249 пар цягнікоў гэтай катэгорыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
