БАТЭ шукае футбалістаў праз службу занятасці

Колькі гатовы плаціць футбольны клуб з Барысава.

Футбольны клуб БАТЭ з Барысава выставіў вакансію на сайце дзяржаўнай службы занятасці Беларусі з самым высокім заробкам у краіне.

Так, «жоўта-сінія» знаходзяцца ў пошуку спартоўца-інструктара (гэта афіцыйная назва прафесіі любога атлета, уключаючы індывідуальныя і камандныя віды спорту. – Заўвага.) з заробкам Br2–12 тыс.

Пры гэтым БАТЭ адзіны са спартовых клубаў Беларусі выйшаў за рамкі месячнага заробку памерам Br10 тыс., заўважыў «Прессбол».

Усяго на сайце службы занятасці апублікаваныя 314 вакансій у пошуках атлетаў у камандныя віды спорту, якія абмяжоўваюцца не толькі футболам.

Мінімальны заробак, які можна знайсці ў прафесіі спартоўца-інструктара, складае ўсяго Br626.

Цікава, што з 1 студзеня 2025 года мінімальны заробак у Беларусі складзе на сотню больш – Br726.

У мінімальны парог Br626 упісваюцца хакейны «Нёман» як клуб найвышэйшай лігі, клуб у хакеі на траве «Вікторыя» і валейбольная каманда «Менск».

Валейбольны клуб «Шахцёр» з Салігорску прапануе заробак блізу Br3100.

Крыху больш можна атрымаць у гандбольным клубе «Мяшкоў» у Берасці – Br2150–3800.

Добрыя грошы і ў футзале. Так, чэмпіён краіны «Сталіца» прапануе Br1400–2500, а срэбны прызёр «Вітэн» яшчэ больш – да Br3800.

Баскетбольны клуб «Менск», які знаходзіцца ў нестабільным становішчы ў табліцы чэмпіянату Беларусі, гатовы заплаціць Br5813,95.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com