Сабаленка ўпусціла важкую перавагу ў матчы з Рыбакінай

Супрацьстаянне ў выставачным турніры выдалася гарачым і запамінальным.

Беларуская тэнісістка Арына Сабаленка перамагла ў Алены Рыбакінай у камерцыйным турніры ў ААЭ. Лік – 7:6 (7:3). Матч праходзіў у аднасэтавым фармаце.

Паядынак доўжыўся 46 хвілінаў. Цікава, што першая ракетка планеты спачатку вяла 5:0, а потым пачала саступаць.

Рыбакіна гераічна перавяла гульню на тай-брэйк і нават перахапіла лідарства ў ім (3:1). Потым Арына ўзяла шэсць балаў запар і закрыла паядынак.

На турніры ў ААЭ бяруць удзел 16 тэнісістаў з 19 да 22 снежня. Спартоўцы падзеленыя на чатыры каманды (два мужчыны і дзве жанчыны).

Сабаленка трапіла ў квартэт «Хокс» з расейкай Мірай Андрэевай, амерыканцам Тэйларам Фрыцам і індыйцам Сумітам Нагалам.

У каманду «Фэлканс» увайшлі казашка Алена Рыбакіна, францужанка Каралін Гарсія, расейцы Даніла Мядзведзеў і Андрэй Рублёў.

«Кайтс» прадставяць гішпанка Паўла Бадоса, італьянка Жасмін Пааліні, аўстраліец Нік Кір'ёс і грэк Стэфанас Цыцыпас.

У заключны квартэт «Іглз» уваходзяць полька Іга Свёнтэк, чэшка Барбара Крэйчыкава, паляк Хуберт Хуркач і нарвежац Каспер Рууд.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com