Беларусаў у 2025-м годзе чакае некалькі пабочных эфектаў ад сяброўства Менска і Масквы

Новаўвядзенні адаб'юцца на партманэтах.

У Беларусі ў 2025 годзе паднімуць стаўкі акцызаў на цыгарэты. Гэта прадугледжана зменамі ў Падатковы кодэкс. Улады таксама ўводзяць навацыі для электронных цыгарэт, піша «Зеркало».

У 2025 годзе паднімуць стаўкі акцызаў на цыгарэты як першай, так і другой цэнавой групы. Так, для першай іх падвысяць у студзені з цяперашніх 106,88 да 119,59 рубля (рост на 11,9%), а для другой - са 155,85 да 163,64 рубля (падвышэнне на 5%).

Нагадаем, у 2024-м іх рост быў запланаваны на 11, 8 і 6% адпаведна.

Раней чыноўнікі заяўлялі аб паэтапным збліжэнні ставак акцызаў на цыгарэты з іншымі краінамі, якія ўваходзяць у ЕАЭС, у тым ліку з Расеяй.

Новаўвядзенні для электронных цыгарэт

Пры гэтым з 1 студзеня электронныя цыгарэты выведуць з падакцызных тавараў, а вадкасць для іх - не. "Гэтыя змяненні ўнесены ў мэтах стварэння роўнай канкурэнцыі суб'ектаў гаспадарання Рэспублікі Беларусь і Рас6йскай Федэрацыі", - тлумачаць у Міністэрстве падаткаў і збораў. Для пакупнікоў гэта азначае, што электронныя цыгарэты могуць патаннець.

Пры гэтым стаўкі акцызаў на вадкасці для электронных сістэм курэння паднялі з 81 да 85 капеек за 1 мл. Рост - на 4,9%.

Стаўкі акцызаў на нетытунёвую нікатыназмяшчальную прадукцыю таксама падвысілі — з 97,63 да 102,51 рубля за 1 кілаграм. Рост - на 5%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com