Анапа тоне ў мазуце

Расейцы не спраўляюцца з экалагічнай катастрофай.

Анапа, адзін з самых вядомых чарнаморскіх курортаў Расеі, працягвае тануць у мазуце пасля катастрофы двух расейскіх танкераў у Керчанскай пратоцы. Эколагі папярэджваюць, што наступствы разліву мазуту могуць быць заўважныя цягам 10 гадоў, піша «Диалог».

У Сетцыі з'явіліся новыя кадры з анапскіх пляжаў, дзе мазут пракраўся ў пясок на паўметра і больш, а яго ўтылізацыя не арганізаваная.

«Вось тут добра бачны маштаб трагедыі. Гэта ўжо слоены пірог атрымліваецца - з мазуту і пяску. Паглядзіце, на якую глыбіню ён ужо пракраўся. Даводзіцца здымаць пласт пяску сантыметраў 50-60», - заяўляе голас за кадрам у адным з відэаролікаў.

На кадрах можна ўбачыць вялікую колькасць сабранага ў мяшкі мазуту. Аднак праз недахоп тэхнікі гэтыя мяшкі своечасова не вывозяцца, у выніку чаго мазут пад уздзеяннем сонечных прамянёў пачынае працякаць і зноў пападае ў пясок.

«Гэта ўсё пахаваецца, і будзе выходзіць гадамі. Патрэбная тэрмінова тэхніка», - кажа мужчына на іншым відэа, дэманструючы пласты мазуту.

Таксама маштаб катастрофы добра бачны на спадарожнікавых здымках. Плошча забруджвання мазутам берагавой лініі на Кубані павялічылася да 54 кіламетраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com