У Растоўскай вобласці РФ узарваўся склад боепрыпасаў

Яго атакавалі беспілотнікі.

Сёння ўначы ў Растоўскай вобласці адбыўся моцны выбух на складзе боепрыпасаў пад Новачаркаскам. Відавочцы захавалі момант выбуху на відэа: на кадрах відаць, як вялізны агністы грыб паднімаецца на сотні метраў уверх, асвятляючы начное неба. Пасля першага выбуху была чарга другасных дэтанацый. Фрагмент відэа публікуе Тэлеграм-канал "Украіна 365". Расейцы ва ўдары абвінавачваюць Украіну.

Паводле звестак расейскіх СМІ, склад мог належаць 150-й мотастралковай дывізіі, якая ўдзельнічае ў наступе на Курахаўскім кірнунку. Дэтанацыя боепрыпасаў стала прычынай маштабнага пажару, падрабязнасці якога ўлады пакуль не каментуюць.

Гэтай жа ноччу губернатар Арлоўскай вобласці пацвердзіў удар па нафтабазе. У выніку атакі на аб'ект адбыўся пажар, які распаўсюдзіўся па тэрыторыі.

Новачаркаск, размешчаны паблізу Растова-на-Доне, стаў чарговым расейскім аб'ектам, якія пацярпелі ад нападаў за апошнія месяцы. Маштабны выбух на складзе боепрыпасаў можа паўплываць на лагістыку і ваенныя планы РФ у гэтым рэгіёне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com