«Курс даляра пацягне за сабой угару і стаўкі ў крэдытах»

Эксперты расказалі, што будзе з коштамі кватэраў у 2025-м годзе.

Асноўным чыннікам, які будзе ўплываць на рынак жылля ў 2025 годзе, з’яўляецца курс даляра. У студзені эксперты ў любым выпадку чакаюць зніжэння попыту. Што да коштаў, то яны з высокай верагоднасцю будуць зніжацца, але павольна. Хуткага «адкату» не будзе, піша Realt.

Паводле словаў Андрэя Чарнышова, намесніка кіраўніка аддзела кансалтынгу і аналітыкі агенцтва нерухомасці «Твая сталіца», калі абменны курс даляра перавысіць 3,8–4 рублі, кошты спыняцца. Курс даляра пацягне за сабой угару і стаўкі ў крэдытах.

Уласнікі будуць прапаноўваць зніжкі. Мяч пяройдзе з рук прадаўцоў да пакупнікоў. Таксама паміж прадаўцамі пачнецца канкурэнцыя», – кажа эксперт.

На думку Чарнышова, калі курс не перавысіць гэтай адзнакі, то рэзкага росту коштаў таксама не будзе. Яны могуць стабілізавацца на некаторы час, асабліва з улікам неўнікнёнай студзеньскай «прасадкі».

Дзмітрый Дзячэнка, дырэктар АН «Група кампаній Марыэлт», мяркуе, што такога росту, як у 2024-м, налета дакладна не будзе:

Калі ніякіх форс-мажорных чыннікаў не будзе, то рынак спачатку ўпадзе ў невялікую яму, потым наступіць плыўнае зніжэнне коштаў. Кошты ў сярэднім упадуць на 5%, калі адштурхоўвацца ад цяперашняй сітуацыі».

Сёлета рынак нерухомасці паставіў шмат рэкордаў і з коштамі, і з угодамі. Так, сярэдні кошт квадратнага метра ў Менску ўпершыню за 10 гадоў перавысіў $1600.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com