Жаўнераў КНДР прымушаюць лавіць дроны УСУ «на жыўца»

Вайсковец украінскага спецыяльнага прызначэння апублікаваў «нанаткі радавога Джонга».

Расшыфраваныя запісы з трафейнага нататніка паўночнакарэйскага салдата, ліквідаванага ў Курскай вобласці РФ, дапамаглі даведацца пра новыя падрабязнасці тактыкі вайскоўцаў КНДР. Высветлілася, што яны атрымалі інструкцыі, як лавіць дроны УСУ «на жыўца».

Пра гэта паведамілі ў Сілах Спецыяльных Аперацый УС Украіны.

Адзначаецца, што ліквідаваны шараговец Генг Хонг Джонг належаў да падраздзялення спецыяльнага прызначэння. У сваім нататніку ён распісаў тактыку збівання БПЛА і схованак ад украінскай артылерыі.

У ССА падзяліліся, што тактыка процідзеяння ўкраінскім дронам палягае ў тым, каб выкарыстоўваць жывую прынаду. Салдат нават візуальна паказаў тое, як гэта трэба рабіць.

Пасля расшыфроўкі запісаў высветлілася, што вайскоўцы КНДР пры выяўленні дрона выкарыстоўваюць тры чалавекі, адзін з якіх з'яўляецца жывой прынадай і трымае дыстанцыю 7 метраў. Два іншыя жаўнеры страляюць па БПЛА на адлегласці ад 10 да 12 метраў.

У нататках сказана, што калі жывая прынада спыніцца - дрон таксама перастане рухацца. Згодна з планам, у гэты момант іншыя жаўнеры змогуць знішчыць БПЛА.

Акрамя таго, у ССА расшыфравалі і запісы аб тым, як войскі КНДР пакідаюць зоны абстрэлу ўкраінскай артылерыі. Генг Хонг Джонг пісаў у сваім нанаттніку, што ў такіх выпадках салдатам неабходна прызначыць пункт наступнага збору і разысціся на малыя групы, пакінуўшы зону абстрэлу.

Акрамя гэтага войскам КНДР расказалі і пра другі спосаб пакінуць зону абстрэлу артылерыі. Для гэтага салдатам рэкамендуюць хавацца ў пункце папярэдняга траплення, а затым выходзіць з зоны абстрэлу. Гэта тлумачыцца тым, што артылерыя не будзе страляць у адзін і той жа пункт, падкрэслілі ў ССА.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com