Лукашэнка назваў Пуціна сваім старэйшым братам

Дыктатар публічна прызнаўся ў сваёй несамастойнасці і поўнай залежнасці ад Крамля.

Аляксандр Лукашэнка падзяліўся тэматыкай асабістай размовы з дыктатарам Расеі Уладзімірам Пуціным на саміце СНД. Аб гэтым ён заявіў беларускаму тэлеканалу "Першы інфармацыйны".

"Калі старэйшы брат з малодшым сустракаецца... тэматыка занадта шырокая, таму гаварылі пра ўсё. І аб асабістым, і дзяржаўным, аб праблемах не толькі міждзяржаўных, але і глабальных", - распавёў Лукашэнка.

Лукашэнка рэгулярна называе Пуціна сваім старэйшым братам.

За некалькі дзён да выбараў у 2020-м годзе Лукашэнка ў праграме ўкраінскага журналіста Дзмітрыя Гордана таксама назваў Пуціна сваім старэйшым братам.

"Я лічу Уладзіміра Уладзіміравіча сваім старэйшым братам, шчыра лічу сваім братам. Ты сапраўды па ўзросце і па [палітычнай] вазе старэйшы брат. <...>; Старэйшы брат павінен дапамагчы, падтрымаць, падказаць. Не падножку падставіць, а падтрымаць", - сказаў Лукашэнка.

У 2022-м годзе журналіст выдання "Коммерсант" Зміцер Калеснікаў хацеў даведацца ў беларускага дыктатара, як ён ацэньвае магчымасць сысці са сваёй пасады паводле вынікаў магчымых прэзідэнцкіх «выбараў» у Беларусі. У адказ на гэта Лукашэнка заўважыў, што яму неабходна параіцца са старэйшым братам (Уладзімірам Пуціным).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com