У Лагойску бульдозерам зносяць графскія стайні ў сядзібе Тышкевічаў

Відэа.

У былой сядзібе графаў Тышкевічаў у Лагойску знішчаюць гістарычны будынак, які чыноўнікі называюць «баракам».

Будынак зносяць бульдозерамі, а драўляныя часткі спальваюць. Відэа зносу з'явілася ў тэлеграм-канале «Лагойская манюка».

Доўгі будынак стайняў (54х11м) размяшчаецца ў паўночнай частцы былой сядзібы Тышкевічаў, недалёка ад палаца, ад якога застаўся невялікі фрагмент. Побач з ім знаходзіцца таксама будынак ледніка.

Палацава-паркавы комплекс на беразе Гайны пабудаваў граф Пій Тышкевіч у 1814–1819 гадах у стылі моднага тады ампіру. У 1842 годзе браты Яўстахі і Канстанцін Тышкевічы заснавалі ў лагойскай сядзібе першы ў Беларусі музей старажытнасцяў (ягоную ўнікальную калекцыю пазней вывезлі ў Вільню). У савецкі час у падвалах палаца органы НКУС зрабілі вязніцу, а ў канцы Другой сусветнай вайны будынак узарвалі немцы. У пасляваенны час тэрыторыя парку стыхійна забудоўвалася.

Супрацоўнікі мясцовага музея заявілі аўтарам ТГ-канала «Лагойская манюка», быццам сцены і дах стайні, якія цяпер зносяць, не маюць гістарычнай каштоўнасці. З часоў Тышкевічаў, маўляў, захаваўся толькі падмурак будынка, а яго зносіць не плануюць – закансервуюць.

Сядзіба ў Лагойску адносіцца да гістарычных помнікаў трэцяй катэгорыі. Юрысты Мінкульта дамагліся таго, каб пастановы ў працы на такіх помніках прымалі мясцовыя чыноўнікі, а не спецыялісты профільнай установы.

Да таго ж у траўні Мінкульт у сваіх дакументах змяніў склад сядзібы Тышкевічаў. Раней у ім было пазначана «будынак былой стайні», а стала «рэшткі падмуркаў і цокаль былой стайні». Адпаведную пастанову прыняла навукова-метадычная рада пры Міністэрстве, але чым яна кіравалася, невядома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com