Аварыя танкераў у Керчанскай пратоцы: РФ утойвае маштабы

Праўда выйдзе вонкі ўлетку.

Расейская Федэрацыя хавае сапраўдную колькасць нафтапрадуктаў, якія ўжо выцеклі і працягваюць выцякаць у Чорнае мора праз аварыю танкераў «Волганафта-212» і «Волганафта-239» ля Керчанскай пратокі.

Пра гэта кіраўніца Усеўкраінскай экалагічнай лігі Таццяна Цімачка заявіла ў эфіры «КІЕЎ-24».

«Яны (расейцы - заўв.) хаваюць сапраўдную колькасць нафтапрадуктаў, якія там былі. Спачатку казалі, што гэта былі дзве тысячы тон, потым - чатыры, потым - шэсць…», - сказала яна.

Удакладненая інфармацыя аб колькасці мазуту паступова высвятляецца праз умяшанне валанцёраў, якія пачалі збіраць нафтапрадукты на ўзбярэжжы.

«Гэта ж маштабы абсалютна беспрэцэдэнтныя па ўсёй тэрыторыі ўзбярэжжа. Нават калі мазут будзе сабраны, фізічна сабраная яго значная частка з прыбярэжнай паласы, то патрэбныя спецыяльныя захады для ачысткі пяску ад астаткаў нафтапрадуктаў, бо нафтавая плёнка і далей будзе прысутнічаць…», - адзначае Цімачка.

Яна адзначыла, што ў трумах патанулых танкераў застаюцца тоны нафтапрадуктаў і плёнка, якая ствараецца ў вадзе, яшчэ доўга будзе атручваць флору і фауну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com