У Еўропе заблакаваны шэраг расейскіх Telegram-каналаў

За тое, што яны распаўсюджваюць і падтрымліваюць расейскую прапаганду.

Telegram-каналы адразу некалькіх расейскіх дзяржаўных СМІ перасталі адчыняцца ў карыстальнікаў у Еўропе. Пра гэта стала вядома ў суботу, 28 снежня, піша "Нямецкая хваля".

Пры спробе адкрыць з тэрыторыі шэрагу еўрапейскіх краін каналы агенцтва РІА "Новости", выданняў "Известия" і "Российская газета", а таксама тэлеканалаў RT, "Россия 1", "Первый канал" і НТВ, з'яўляецца апавяшчэнне: "Гэты канал недаступны, бо парушаў мясцовае заканадаўства".

З такімі праблемамі сутыкнуліся карыстальнікі з Латвіі, Літвы, Нямеччыеы, Нідэрландаў і Францыі. РІА "Новости" са спасылкай на карэспандэнтаў піша, што канал агенцтва таксама не адкрываецца ў Польшчы, Бельгіі, Швейцарыі, Чэхіі, Грэцыі і Італіі.

У ЕЗ забаранілі вяшчанне некалькіх звязаных з РФ СМІ

У сярэдзіне траўня 2024-га Рада ЕЗ забараніла вяшчанне чатырох СМІ, звязаных з Расеяй, якія, на думку органа, "распаўсюджваюць і падтрымліваюць расейскую прапаганду і агрэсіўную вайну супраць Украіны".

Пад забарону трапілі РІА "Новости", "Известия", "Российская газета" і звязаны з Віктарам Медведчуком інтэрнэт-партал Voice of Europe, які базуецца ў Чэхіі. Усе гэтыя СМІ, як вынікае з паведамлення, "знаходзяцца пад пастаянным прамым або ўскосным кантролем кіраўніцтва Расейскай Федэрацыі".

У Радзе ЕЗ тады ўдакладнілі, што ўзгодненыя захады не перашкодзяць тым, хто трапіў пад абмежаванні СМІ, і іх супрацоўнікам ажыццяўляць на тэрыторыі Еўразвязу любую дзейнасць, акрамя вяшчання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com