Склад з Shahed у РФ узляцеў на паветра: новыя дэталі магутнага ўдару УСУ

У ISW прааналізавалі спадарожнікавыя здымкі.

Украінскія сілы нядаўна нанеслі ўдар па расейскім аб'екце захоўвання, абслугоўвання і рамонту ўдарных беспілотных лятальных апаратаў тыпу Shahed краіны-агрэсаркі РФ у горадзе Арле.

«Украіна нанесла ўдар па аб'екце сама меней трыма ракетамі Storm Shadow удзень 26 снежня, і ў выніку ўдару былі параненыя і забітыя дзевяць расейскіх вайскоўцаў», - паведамляе амерыканскі Інстытут вывучэння вайны (ISW).

Удакладняецца, што спадарожнікавыя здымкі паказваюць, што расейскія войскі пачалі будаўніцтва аб'екта ў жніўні 2024 года і, магчыма, скончылі ў лістападзе ці пачатку снежня 2024 года.

Адзначым, што паводле звестак Генеральнага штаба Узброеных сіл Украіны, 26 снежня УСУ разам з іншымі складнікамі Сіл абароны нанеслі ўдар па абароненым аб'екце расейскіх акупантаў у Арлоўскай вобласці, у выніку чаго быў знішчаны склад захоўвання, абслугоўвання і рамонту дронаў-камікадзэ Shahed, які складаўся з шэрагу бетонных абароненых збудаванняў.

«Названая баявая аперацыя істотна знізіла патэнцыял ворага па правядзенні паветраных налётаў ударных БПЛА па цывільнай інфраструктуры Украіны», - распавялі ў Генштабе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com