Якой будзе зіма ў Беларусі?

Папярэдні прагноз.

Пра доўгатэрміновыя прагнозы на бліжэйшыя зімовыя месяцы ў Беларусі расказала начальніца службы гідралогіі і аграметэаралогіі Белгідрамета Кацярына Істоміна на прэс-канферэнцыі ў Менску ў аўторак, піша «Смартпресс».

«Сёння мы з месячнай своечасовасцю можам спрагназаваць толькі анамалію тэмпературы ці анамалію ападкаў: г.зн. на колькі цяплей ці халадней будзе ў пэўным месяцы, на колькі вільготным ці сухім будзе гэты месяц, - патлумачыла яна. - Найбольш дакладныя прагнозы мы цяпер можам рабіць толькі на тыдзень наперад».

Паводле ейных слоў, агулам зіма 2024/2025 года з імавернасцю больш як 50 адсоткаў у Беларусі будзе цёплай.

«Ападкі будуць у межах кліматычнай нормы. Аднак, праз тое, што тэмпература будзе падвышанай, ёсць імавернасць, што ападкаў будзе больш у змешанай і вадкай фазе (мокры снег, дождж). «Г.зн. на падставе доўгатэрміновых прагнозаў на працяглае снежнае покрыва пакуль разлічваць не даводзіцца», — адзначыла Істоміна.

Разам з тым, гэтай зімой абавязкова будуць і моцныя маразы і вельмі цёплае надвор'е, дадала яна. «Будзе і снег, каб пакатацца на санках і лыжах. Дакладней сёння сказаць проста немагчыма», - канстатавала прадстаўніцы Белгідрамета.

На актуальнае для ўсіх беларусаў пытанне, якое ж надвор'е чакаць на Новы год, яна адказала так: бНа жаль, сучасны ўзровень прагназавання не дазваляе сіноптыкам з належнай дакладнасцю за месяц спрагназаваць надвор'е ў тым ці іншым пункце ў канкрэтны дзень».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com