Беларускі нарколаг даў рэкамендацыі, якія дапамогуць лепш сябе адчуваць 1 студзеня

Яны вельмі простыя, але дзейсныя.

Беларускі псіхіятр-нарколаг Вячаслаў Саладуха даў параду тым, хто не разлічыў з алкаголем і дрэнна сябе адчувае 1 студзеня, паведамляе БелТА.

Перш за ўсё, лекар раіць дамовіцца з сабой яшчэ 31 снежня і «вызначыць для сябе тую колькасць алкаголю, якую вы хочаце выпіць».

- Больш ніякіх рэцэптаў фактычна не трэба. Ні салёных агуркоў, ні капусты квашанай, - робіць высновы ён.

Але калі кантраляваць сябе не атрымалася і раніцай 1 студзеня самаадчуванне горш няма куды, тое лекар рэкамендуе піць пабольш вадкасці:

- Гэта могуць быць узвары з сухафруктаў, розныя морсы, ні ў якім разе не газаваныя, не "фарбаваныя" напоі.

І не сокі, "таму што многія цытрусавыя блакуюць ферменты печані, якія дазваляюць хутчэй выводзіць таксіны".

Калі піць ваду, то негазаваную. Таму што газаваная тармозіць вывядзенне таксінаў.

Псіхіятр-нарколаг падкрэслівае, што калі чалавеку дрэнна, то нельга пахмяляцца:

- Ні ў якім разе нельга, як бы цяжка ні было. Як бы ні балела галава, гэта часовая з'ява.

У залежнасці ад асаблівасцяў арганізма, гэта можа працягнуцца ад дзвюх да чатырох гадзін максімум.

Ці можа дапамагчы лазня? Не, гэта будзе стрэс для арганiзму. Таксіны не выходзяць з потам.

А вось мікраэлементы з потам выходзяць і «ў наступным могуць уплываць на дзейнасць сэрца, цягліц».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com