Як змяніліся курсы валют за гэты год і чаго чакаць у 2025-ым

На курс рубля будуць уплываць некалькі фактараў.

Першую палову года на валютным рынку ў Беларусі сітуацыя была даволі спакойнай: рубель паступова таннеў да даляра і еўра, але адначасова ўмацоўваўся да расейскіх грошай. Але скокі ў канцы лістапада - пачатку снежня змянілі становішча.

«Зеркало» расказвае, як за год змяніліся курсы валют і што экспэрты прагназуюць на будучы год.

Як змяніліся курсы за 2024 год

Са звестак Нацбанка, даляр 1 студзеня 2024-га каштаваў 3,1775 рубля. Калі параўнаць са згаданым вышэй курсам на 31 снежня, выходзіць, што за гэты год ён падаражэў амаль на 9,3%.

Еўра ў першы дзень года быў 3,5363 рубля, а ў апошні - 3,6246. Рост атрымаўся амаль на 2,5 адсотка.

У гэты ж час у апошні дзень года 100 расейскіх рублёў каштавалі 3,3488 нашага рубля, тады як у першы дзень года прапарцыя была 100 да 3,4991. Значыць, наша валюта ўмацавалася да расейскай амаль на 4,3%.

Чаго чакаць на рынку валют у 2025-м

На курс рубля да замежных валют у наступным годзе будуць уплываць некалькі чыннікаў. Сярод іх - становішча на валютным рынку ў Расеі, а таксама агульная эканамічная сітуацыя ў гэтай суседняй краіне. А яшчэ - сума дэфіцыту знешняга гандлю, унутраны попыт на тавары і паслугі, а таксама сітуацыя з імпартам.

Улады заклалі ў бюджэтныя планы на наступны год курс каля 3,35-3,37 рублі за даляр. Гэта азначае магчымы працяг патаннення нашай валюты да амерыканскай.

Банк развіцця ў сваіх прагнозах закладвае курс у канцы 2025-га 3,45 рубля за даляр. Ацэнкі камерцыйных банкаў вагаюцца ад 3,45 да 3,53 рублі.

Чаго чакаць ад валютнага рынку ў гэтым годзе і ў пачатку наступнага: «шторму», зацішша ці чагосьці яшчэ?

«Курс даляра можа дасягнуць і 4-4,5 рублі, а можа застацца на ўзроўні 3,5. Усё будзе залежаць ад таго, які ў нас будзе дысбаланс у замежным гандлі, ці будзе нарошчвацца імпарт тымі ж тэмпамі, як зараз, плюс ад таго, што будзе адбывацца ў Расеі», - так ацэньвала перспектывы эканамістка Настасся Рыжычэнка.

Эканамістка Настасся Лузгіна адзначала, што ў наступным годзе магчымае паскарэнне зніжэння курсу беларускага рубля да замежных валют. Прычынай можа быць пагаршэнне стану гандлёвага балансу краіны (перавышэнне імпарту тавараў над экспартам).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com