Мянчанка зрабіла «беларускі дубайскі шакалад»

З бульбяным пюрэ.

Класічны беларускі маркетынг – дадаць бульбы ў любым яе агрэгатным стане ў каву, цукеркі і ўвогуле куды заўгодна, куды яна толькі ўлезе. Наглядзеўшыся на падобныя акцыі, блогерка з Менска пастанавіла давесці сітуацыю да абсурду, злучыўшы два папулярныя, злёгку надакучныя трэнды. Так у яе атрымаўся дубайскі шакалад з бульбяным пюрэ, піша «Анлайнер».

– Мяне весялілі відэа ў TikTok, дзе гатуюць дубайскі шакалад з макаронамі, травой і іншымі бязглуздымі начыннямі. У мяне даўно без справы ляжала форма для хлеба, а ў «Грошыку» я набыла тры самыя танныя шакаладкі «Анюціны вочкі». Беручы да ўвагі тое, што бульба для маёй сям'і бясплатная (ад сваякоў), на выраб свайго варыянту дубайскага шакаладу ў мяне спатрэбілася 5,5 рубля.

Паводле словаў Крысціны, шакаладка прыгатавалася даволі проста. Танныя пліткі лёгка растапіліся ў мікрахвалеўцы, а начыннем паслужыла халоднае бульбяное пюрэ. На замарозку спатрэбілася ўсяго паўгадзіны. Атрымалася знешне сімпатычна. А вось на смак…

– Шчыра скажу, есці яе немагчыма – таму на відэа няма маёй рэакцыі (я яе запісала, але пастанавіла не ставіць). У першапачатковым агучванні да роліку я кажу, што такая шакаладка стане выдатным падарункам для замежнікаў, якія думаюць, што ў Беларусі не ядуць нічога, акрамя бульбы. Але за акном такая шэрасць і нуда – мне хацелася зрабіць усё ж такі добры, вясёлы ролік, які ўздыме людзям настрой.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com