Калі беларусам чакаць «снежнага ўварвання»?

У Еўропе папярэдзілі аб набліжэнні «суровага зімовага шторму».

Сіноптыкі папярэдзілі еўрапейцаў аб набліжэнні «суровага зімовага шторму» ў будучыя выходныя. Паўднёвым краінам ён прынясе моцныя дажджы, а цэнтральнай і паўночнай Еўропе - моцныя снегапады. Паглядзелі, ці дойдзе да Беларусі гэтая снежная бура і якое надвор'е на выхадныя спрагназаваў Белгідрамет.

Паводле звестак профільнага еўрапейскага партала аб надвор'і Severe Weather, пачынаючы з гэтай пятніцы на большай частцы еўрапейскага кантынента разыграецца сапраўдная снежная бура, якая не сціхне аж да пачатку наступнага тыдня. Спецыялісты заклікалі рыхтавацца да «зімовых умоў», у тым ліку, да затораў на дарогах праз моцныя снегапады, бо вялікі блакуючы антыцыклон, які развіваецца над Атлантыкай цяпер, паверне вятры на поўнач і «будзе штурхаць халаднейшыя паветраныя масы ў заходнюю і цэнтральную Еўропу».

Паводле прагнозу аўтараў Telegram-канал @nadvorie, гэтае «халоднае ўварванне» будзе паступова прасоўвацца на поўдзень. Аднак, мяркуючы з метэамапаў, апублікаваных еўрапейскімі спецыялістамі, ні суровыя маразы, ні моцныя снегапады ў найбліжэйшыя тры дні да нашай краіны не дабяруцца.

Тое, што масіўнага «снежнага ўварвання» ў гэтыя выходныя ў нас не будзе, пацвярджае і аператыўны прагноз Белгідрамета. Зыходзячы з іх звестак, пахаладанне, якое пачалося на гэтым тыдні, у найбліжэйшыя тры дні не ўзмоцніцца і нават наадварот: калі на пятніцу, 6 снежня, сіноптыкі спрагназавалі мінімальную начную тэмпературу 0..-6°С (удзень ад -4 да +2°С), то ў выходныя яна будзе крыху вышэйшай:

у суботу, 7 снежня, -5..+1°С (удзень -2..+4°С),

нядзеля, 8 снежня, -3..+3°С (удзень -1..+5°С).

На пятніцу Белгідрамет таксама выпісаў папярэджанне аб патэнцыйна небяспечнай метэаз'яве (жоўты ўзровень). Размова на гэты раз ідзе аб галалёдзіцы, якая, згодна з прагнозам, заўтра будзе захоўвацца на асобных адцінках дарог па ўсёй краіне.

Што да ападкаў, то невялікі мокры снег у пятніцу чакаецца месцамі па ўсёй краіне. Кароткачасовыя ападкі ў выглядзе мокрага снегу або снегу з дажджом чакаюцца на большай частцы тэрыторыі рэспублікі і ў выхадныя. Сіноптыкі таксама папярэдзілі аб магчымых туманах і парывістым ветры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com