Восьмы год запар лістапад радуе беларусаў

Зноў цяплей, чым мусіць быць.

Восьмы год запар лістапад у Беларусі цяплейшы за норму, сведчыць праведзены «Позіркам» аналіз звестак Белгідрамета.

У мінулым лістападзе сярэдняя тэмпература склала 2,6 градуса, перавысіўшы норму на 1 градус.

Апошні раз заключны месяц восені быў халаднейшы за звычайны ў 2016 годзе (на 0,7 градуса).

У 2017 годзе лістапад выявіўся цяплейшым за норму на 1,9 градуса (+2,7 супраць +0,8), у 2018-м — на 0,1 (+0,9 супраць +0,8), у 2019-м — на 3,3 (4,2 супраць 0,9), у 2020-м - на 2,9 (3,8 супраць 0,9), у 2021-м - на 2,4 (+3,3 супраць 0,9), у 2022-м - на 0,4 (2 супраць +1,6), у 2023-м - на 0,3 (+1,9 супраць 1,6).

Найбольшае перавышэнне нормы ў мінулым месяцы адзначанае на поўначы - у Віцебскай вобласці (на 1,7 градуса, месцамі на 2 і больш), найменшае - у Берасцейскай вобласці (на 0,4).

Цяплей звычайнага было ва ўсіх трох дэкадах: на 1 градус у першай (4,7 супраць 3,7), на 0,9 у другой (2,6 супраць 1,7), на 1,3 градуса ў трэцяй (0,7 супраць -0,6).

Максімальная тэмпература зафіксавана 1 лістапада ў Пружанах (+15,9), мінімальная - 23 лістапада ў Ашмянах (-8,8).

Устойлівы пераход сярэдняй сутачнай тэмпературы паветра праз 5 градусаў у бок паніжэння (канчатак вегетацыйнага перыяду) на большай частцы тэрыторыі краіны адбыўся ў пачатку лістапада, што пазней звычайнага на 4-11 дзён.

За месяц у сярэднім выпала 34 мм ападкаў (34 л вады на квадратны метр тэрыторыі), што склала 74 працэнты кліматычнай нормы. Ападкі размеркаваліся нераўнамерна: ад 50-75% нормы на паўднёвым захадзе да 100-125% - на паўночным усходзе.

Ападкі выпадалі ў выглядзе снегу, мокрага снегу і дажджу. На працягу месяца снежнае покрыва неаднаразова ўстанаўлівалася і разбуралася, адзначае Белгідрамет. Максімальная вышыня снегу склала 22 см - 23 лістапада ў Касцюковічах. На апошні дзень месяца снежнае покрыва практычна паўсюдна адсутнічала, за выключэннем асобных станцый, дзе яго вышыня склала ад менш як 0,5 см да 8 см (Мсціслаў).

На ўсёй тэрыторыі адзначалася ўзмацненне хуткасці ветра да 15 м/с і больш. Максімальная хуткасць (24 м/с) зарэгістраваная ў Слаўгарадзе, Наваградку (2 лістапада), Горках і Клічаве (4 лістапада).

Кастрычнік 2024 года ў Беларусі аказаўся цяплейшым за норму на 1,5 градуса (+8,3 супраць +6,8) і заняў 9-е месца ў ранжыраваным шэрагу назіранняў ад самага цёплага да самага халоднага з 1945 года. Вышэй за норму сярэдняя тэмпература ў кастрычніку, як і ў лістападзе, нязменна фіксуецца з 2017 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com