На будаўнічым рынку маячыць чарговае банкруцтва

Кампанія звязаная з «дачкой» «Беларуськалія».

Банкруціцца кампанія, якая займалася будаўніцтвам сельгасзбудаванняў і звязана з «дачкой» «Беларуськалія». Гэта вынікае з дакумента, апублікаванага ў Адзіным дзяржрэестры звестак аб банкруцтве, адзначае «Зеркало».

Эканамічны суд Менска 30 снежня 2024 года распачаў справу аб банкруцтве «Еўрапейскага аграрнага агенцтва-спецбуд» (яго таксама называюць «ЕАА-спецбуд»).

У суд падала інспекцыя Міністэрства падаткаў і збораў, бо фірма завінавацілася ў бюджэт больш за 928 тысяч рублёў.

Суд пастанову ўвесці да 31 студзеня гэтага года ахоўны перыяд. Гаворка пра час, калі часовы кіраўнік ацэньвае, ці ёсць у кампаніі магчымасці палепшыць сваё фінансавае становішча і разлічыцца па даўгах.

«Беларуськалій» шукае новых уладальнікаў для сваёй долі ў супольным з эстонцамі бізнэсе

«Еўрапейскае аграрнае агенцтва-спецбуд» належыць беларуска-эстонскай фірме «Еўрапейскае аграрнае агенцтва». Ёй у сваю чаргу валодае «дачка» «Беларуськалія» - сельскагаспадарчы холдынг «Беларуськалій-Агра».

У 2020 годзе «ЕАА-спецбуд» пачало будаўніцтва «ультрасучаснага» малочнатаварнага комплексу ў Салігорскім раёне, які планавалася скончыць у 2021-м. На пачатак таго года працы яшчэ не былі закончаныя. Аднак паводле звестак на 2024 год, праект быў гатовы — у ліпені яго наведваў міністр сельскай гаспадаркі Беларусі Анатоль Ліневіч.

Да гэтага кампанія пабудавала яшчэ два аб'екты ў Любанскім раёне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com