«Скандал такі зладзіў, аддалі назад грошы»
17- 10.01.2025, 16:53
- 16,298
У сацсетцы абмяркоўваюць «белыя» даляры, якія абменнікі не хочуць браць.
У TikTok распавялі аб старых «белых» далярах, з якімі могуць узнікаць праблемы ў абменніках. «І што мне зараз рабіць? Мне аўтамабіль не прададуць за іх? - задаецца пытаннем аўтар відэа.
Адна з карыстальніц TikTok расказала, што ў абменніку ёй прапанавалі набыць «старыя белыя» даляры. Касірка сказала, маўляў, іншых банкнот няма, а гэтыя людзі не спяшаюцца браць, адзначае «Зеркало».
«Ездзіла да бацькоў. Яны кажуць: «Ты што, купіла старыя даляры?» Я кажу: «Так». Карацей, яны таксама пакруцілі ля скроні, - распавяла цік-токер. - Што з імі не так, халера? Можа, мне рэальна ўжо бегчы іх здаваць?
Тік-токер таксама паказала свае ашчадкі ў канверце з далярамі. У ім акурат ставала «белых» банкнот.
«І што мне зараз рабіць? Мне аўтамабіль не прададуць за іх? Растлумачце, я выпусціла гэты момант, калі раптам даляры падзяліліся на «дрэнныя» і «добрыя»? — спытала цік-токерка.
У каментарах многія выказалі сумнеў у тым, што такія даляры прымуць назад у абменніку. Але былі і іншыя меркаванні.
Вось некаторыя водгукі:
«Іх не прымуць. Я столькі банкаў аб'ездзіў, каб іх здаць, на паліва больш патраціў. І сума, вядома, была большая. Але факт, што менавіта старыя купюры».
«У мяне знаёмы пры куплі (валюты. - Заўв. рэд.) узяў два талоны на абмен. Купіў, і тут яго выклікаюць у іншае акно. Надумаў праверыць - абмяняць (назад гэтыя ж банкноты. - Заўвага. рэд.). Так сказалі, што з плямамі. Скандал такі зладзіў, аддалі назад грошы».
«Не бяруць брудныя з плямамі і з цвіллю. На пытанне, што рабіць далей з імі, прапануюць паспрабаваць шчасце ў іншым банку».
«Купляю старыя, бо на іх і курс меншы. Мяняем - усё нармальна. Нерухомасць куплялі, таксама ўсе бралі. Няхай разумныя не бяруць».
«Цяжка здаць зараз даляры. То старыя, то на прасвет нейкія плямкі ці цвіль – не бяруць».
Дарэчы, пазней цік-токерка знайшла банк, які гатовы ўзяць «старыя белыя» даляры.
@kamilla_vse_mozhet Кто в курсе: что за ситуация с 💵? #деньгиесть #доллары #вопросы #ситуация #прожизнь ♬ оригинальный звук - Камилла говорит
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
