Bloomberg: Па Пуціну нанесены вялікі ўдар
7- 12.01.2025, 12:23
- 5,510
Cанкцыі Вашынгтона аказаліся больш дзейснымі, чым абмежаванні Лондана і Брусэля.
У апошнія дні кадэнцыі Байдэна ЗША ўвялі самыя маштабныя санкцыі супраць нафтавай прамысловасці Расеі.
Санкцыі, абвешчаныя 10 студзеня, закранулі больш за 400 фізічных асобаў і арганізацый, сярод іншых буйныя нафтавыя кампаніі, страхавыя фірмы і «Расатам». Калі гэтыя захады застануцца ў сіле пры Трампе, то ў іх больш шанцаў парушыць расейскі экспарт нафты, чым усё, што было зроблена да гэтага часу любой заходняй дзяржавай, піша Bloomberg.
Чым санкцыі ад Байдэна пагражаюць Расеі
Выданне адзначае, што ўвядзенне санкцый у дачыненні да кампаній «Сургутнафтагаз» і «Газпрам нафта» з'яўляецца найбольш прамым і магутным крокам, зробленым Вашынгтонам. У 2024 годзе гэтыя дзве кампаніі выпраўлялі морам блізу 970.000 бараляў нафты за дзень. Той факт, што яны цяпер падсанкцыйныя, выкліча непакой у нафтаперапрацоўчых заводаў у Індыі, а таксама ў дзяржаўных кампаніях у Кітаі. Пастаўкі гэтых кампаній складаюць амаль 30% марскога экспарту Расеі. Відавочна, што яны не будуць поўнасцю спыненыя, але той факт, што яны санкцыйныя, разам з іншымі абвешчанымі захадамі азначае, што зрыву нельга выключаць.
Пад жорсткія абмежаванні патрапілі яшчэ блізу 160 асобных танкераў, якія перавозяць расейскую нафту. Усяго пад санкцыямі – 270 такіх караблёў. Гэта ўдвая больш, чым увесь спіс караблёў, на якія да гэтага часу былі накіраваныя ЗША, Вялікая Брытанія і Еўразвяз.
Журналісты падкрэсліваюць, што санкцыі Вашынгтона аказаліся больш дзейснымі, чым абмежаванні Лондана і Брусэля. Гэта сведчыць, што азіяцкія пакупнікі асцерагаюцца парушаць захады ЗША.
Так, напрыклад, раней у спіс было ўнесена 39 танкераў, якія перавозілі расейскую нафту з кастрычніка 2023 года. З моманту трапляння пад санкцыі 33 з іх не змаглі ўдзельнічаць у перавозках грузаў.
«Гэта больш высокі ўзровень супрацьдзеяння ценеваму флоту, чым пры аналагічных захадах, уведзеных Вялікай Брытаніяй або Еўрапейскім Звязам, і за больш чым удвая большы перыяд часу, паколькі першыя санкцыі, уведзеныя любой з гэтых юрысдыкцый, з'явіліся толькі ў чэрвені 2024 года», – адзначае выданне.
Новыя захады ўключаюць санкцыі супраць цэлага флоту чаўночных танкераў, якія выкарыстоўваюцца для перавозкі нафты з ключавых праектаў у арктычным і ціхаакіянскім рэгіёнах Расеі.
Чаўночныя танкеры, якія працуюць у Ціхім акіяне, перавозяць расейскую нафту ў Кітай, і новыя санкцыі могуць ускладніць гэты гандаль, патэнцыйна патрабуючы перакідкі грузаў з аднаго танкера на іншы перад дастаўкай.
ЗША таксама ўдарылі па непразрыстых трэйдарах, якія хочуць пастаўляць і прадаваць расейскую нафту. Многія з гэтых гандлёвых кампаній былі створаныя толькі пасля пачатку вайны супраць Украіны. Дзеянні супраць цяперашніх нафтатрэйдараў прывядуць да кароткачасовых збояў. Зрэшты, верагодна, шмат хто з іх ізноў з'явіцца пад іншымі імёнамі.
Санкцыі ў дачыненні да двух найбуйнейшых расейскіх пастаўшчыкоў паслуг у страхаванні абароны і кампенсацыі стратаў для нафтавых танкераў – «Індзяржстраха» і «АльфаСтрахавання» – могуць не зрабіць істотнага ўплыву на плыні.
Аднак забарона на страхавыя паслугі гэтых дзвюх кампаній можа фактычна выцесніць некаторыя танкеры, у тым ліку расейскія, з асноўных страхавых рынкаў. Прынамсі часова.
Санкцыі таксама патрабуюць ад нафтасэрвісных кампаній ЗША спыніць працу ў Расеі да 27 лютага. Прынамсі дзве амерыканскія глабальныя кампаніі-правайдары прадаўжалі працаваць у краіне нават пасля поўнамаштабнага нападу на Украіну.
Любы ўплыў на расейскую нафтаздабычу, хутчэй за ўсё, будзе адчувацца толькі ў доўгатэрміновай перспектыве і ў найбольшай ступені на новых праектах. У выніку можа запаволіцца засваенне Расеяй арктычных запасаў, а таксама распрацоўка шэльфавых радовішчаў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
