У адным з гарадоў Чэхіі адбыўся выбух у рэстарацыі

Ёсць ахвяры і параненыя.

Шэсць чалавек загінулі ў выніку выбуху ў рэстаране ў адным з гарадоў Чэхіі. Яшчэ восем наведвальнікаў былі параненыя.

Пра гэта паведамляе Reuters.

Як піша выданне, выбух балона з прапан-бутанам адбыўся ў рэстаране ў горадзе Мост, на паўночным захадзе Чэхіі. Праз гэта будынак установы загарэўся.

Акрамя шасці загінулых, яшчэ восем чалавек атрымалі раненні ў выніку выбуху, які адбыўся позна ўвечары ў суботу, 11 студзеня. Сярод іншага, пажарныя выратавалі аднаго сур'ёзна параненага госця рэстарана, які «апынуўся ў пастцы ў ванным пакоі».

Таксама 30 чалавек былі эвакуяваныя з рэстарана і навакольных будынкаў.

«Паводле папярэдняй інфармацыі відавочцаў, перакуліўся абагравальнік, што выклікала пажар», – паведамілі ў пажарнай службе.

У МУС Чэхіі ўдакладнілі, што прычынай, верагодна, стаў прапан-бутанавы абагравальнік, які перакуліўся ў пярэднім садзе рэстарана. У час выбуху ў рэстаране знаходзіліся блізу 20 гасцей.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com