На волю выйшла палітзняволеная Данута Перадня

22-гадовая была асуджаная за антываенны пост.

У канцы 2024 года выйшла на волю 22-гадовая Данута Перадня – былая студэнтка філалагічнага факультэта Магілёўскага дзяржуніверсітэта, паведамляе ініцыятыва «Палітвязынка». Звесткі пра яе вызваленне таксама з'явіліся ў базе праваабарончай ініцыятывы Dissidentby.

Нагадаем, 5 ліпеня 2022 года суд у Кіраўску асудзіў Дануту Перадню да шасці гадоў калоніі на антываенны пост, які дзяўчына размясціла ў адной з сацыяльных сетак. У пачатку лістапада 2022-га Магілёўскі абласны суд скасаваў гэтую пастанову, аднак ужо да канца месяца пасля перагляду справы Перадні далі той самы тэрмін.

20-гадовая студэнтка спецыяльнасці «рамана-германская філалогія» МДУ імя Куляшова была затрыманая сілавікамі 28 лютага 2022 года, калі прыехала на маршрутцы з Кіраўска ў Магілёў.

Паводле інфармацыі праваабаронцаў, яе абвінавацілі ў тым, што 27 лютага яна перапосціла ў адзін з магілёўскіх чатаў тэкст, у якім у рэзкай форме крытыкаваліся дзеянні Уладзіміра Пуціна і Аляксандра Лукашэнкі ў развязванні вайны ва Украіне. Таксама там утрымліваўся заклік да вулічных выступаў.

10 чэрвеня Камітэт дзяржаўнай бяспекі ўнёс Дануту Перадню ў спіс «асобаў, якія маюць дачыненне да тэрарыстычнай дзейнасці».

Перадня была студэнткай-выдатніцай і мела толькі станоўчыя характарыстыкі ад педагогаў. Аднак адразу пасля пачатку крымінальнай справы яна была адлічаная.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com