Беларусам прапанавалі мыць далары з цвіллю адбельвальнікам.

Што з гэтай "хітрасцю" не так?

У сацсетках усё часцей з'яўляюцца паведамленні, што той ці іншы беларускі банк адмовіўся прымаць даляры. Недзе прычынай назвалі іржу, недзе — цвіль ці розныя забруджванні. У роспачы людзі шукаюць спосабы, як усё ж такі пазбавіцца такіх купюр, піша "Тэлеграф". Напрыклад, беларуска ў TikTok паказала, як адмыла 100 даляраў сродкам для дэзінфекцыі і адбельвання. Што з гэтым не так?

У апублікаваным роліку жанчына распавяла, што ў трох беларускіх банках купюру ў 100 даляраў не ўзялі "праз плямкі". З ейных слоў, у абменніку "сказалі, што гэта або іржа, або цвіль".

Таму аўтарка відэа наважыла праверыць трук з інтэрнэту, дзе цвіль прыбіраюць адбельвальнікам. Яна нанесла сродак на ватную палачку і пацерла плямы на далярах, затым крыху пачакала і прамыла звычайнай вадой.

"Ой, глядзіце, адразу святлее! Абалдзець!" — усклікнула жанчына на відэа і заклікала карыстацца такім спосабам.

На наступных кадрах яна паказала чэк і заявіла, што тыя самыя адмытыя даляры адзін з банкаў "без праблем" прыняў, "нават нічога не сказалі".

Адзначым, што такім чынам можна канчаткова сапсаваць купюры і наогул пазбавіцца грошай - ёсць рызыка, што агрэсіўныя кампаненты мыйных сродкаў вымыюць фарбу або наогул прапаляць дзірку.

У каментарах карыстачы таксама звярнулі ўвагу яшчэ на некалькі нюансаў. Некаторыя сцвярджаюць, што "ультрафіялет усё роўна высвечвае, цвіль [такім чынам немагчыма] яе прыбраць". Іншыя ўпэўненыя, што пасля адбельвання даляры потым "свецяцца" і іх потым наогул нікуды не здасі.

Таксама беларусы заявілі, што ёсць банкі, якія прымаюць абсалютна ўсе купюры.

"Хутка хіманаліз ужо будуць рабіць, касір-хімік будзе аператарам касы" – напісаў яшчэ адзін каментатар.

"Вось зараз камусьці вашу купюру прадасць, і не факт, што з часам яна не стане яшчэ горшай", — выказаў меркаванне нехта.

Дарэчы, раней у беларускім "Альфа-банку" расказвалі, што "даляр на 70% складаецца з бавоўны — пажыўнага асяроддзя для грыбкоў".

"Цвіль можа пашкодзіць ахоўны пласт, і тады праверыць сапраўднасць стане складана. Пральны парашок дзейнічае гэтак жа, таму банкнота пасля мыцця становіцца падобная на падробку", - звярталі ўвагу спецыялісты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com