Расейскі «Газпрам» рыхтуе масавыя звальненні

Будуць звальняць супрацоўнікаў галаўнога офіса.

"Газпрам", які страціў еўрапейскі рынак газу і атрымаў сотні мільярдаў рублёў страт, рыхтуе масавыя звальненні супрацоўнікаў цэнтральнага апарата.

Як паведамляе пецярбуржскі партал 47news, кампанія разглядае магчымасць скарачэння 1,6 тысячы работнікаў галаўнога офіса – адпаведны ліст кіраўніку "Газпрама" Аляксею Мілеру накіравала намесніца старшыні ўправы Алена Ілюхіна. У дакуменце яна паказвае на “выклікі, якія стаяць перад групай “Газпрама” і “неабходнасць “аптымізацыі выдаткаў на ўсіх узроўнях кіраўнічых і вытворчых працэсаў”.

Як піша Ілюхіна, цяпер “Газпрам” штогод марнуе 50 млрд рублёў толькі на заробкі супрацоўнікам цэнтральнага офіса. Іх колькасць, паводле ацэнак Ілюхіна, можна скараціць з 4,1 тысячы да 2,5 тысячы чалавек.

Намеснік старшыні ўправы "Газпрама", начальнік дэпартамента інфармацыйнай палітыкі Сяргей Купрыянаў пацвердзіў Forbes сапраўднасць ліста. Кандыдатаў на звальненне “Газпрам” плануе абраць на працягу месяца - да 15 лютага, вынікае з дакумента.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com