У Горках супрацоўнікам хочуць выдаваць заробак грэчкай

Амаль пратэрмінаванай.

Горацкі райвыканкам прапаноўваў выдаваць вяскоўцам пратэрмінаваныя грэцкія крупы ў лік заробку, заўважыў сайт orsha.eu.

У 2023 годзе КУП «Горацкі элеватар» займалася перапрацоўкай грэчкі. Потым гатовы прадукт планавалі прадаваць наўпрост спажыўцам. Але ніхто грэчку не набываў. У выніку на элеватары сабралася 166 тонаў 531 кг грачаных крупаў у мяшках на 50 кг.

Летась перапрацоўку грэчкі спынілі. Але было неабходна рэалізаваць крупы, у якіх сканчаўся тэрмін прыдатнасці. Горацкі райвыканкам прапанаваў, каб грэчку загадалі набыць сельгаспрадпрыемствам Магілёўшчыны – для харчавання супрацоўнікаў, а таксама ў кошт заробкаў. Гэтую прапанову падтрымаў Магілёўскі аблвыканкам. У выніку частку крупаў атрымалася размеркаваць.

Аднак на элеватары засталася частка прадукцыі, у якой тэрмін прыдатнасці складаў менш за месяц. Кіраўніцтва прадпрыемства зноў звярнулася ў Горацкі райвыканкам, каб мясцовым сельгасарганізацыям загадалі набыць грэчку. У тым ліку для выдачы крупаў у кошт заробкаў працаўнікам.

Раней «Горацкі элеватар» сам звяртаўся з такой прапановай да сельскагаспадарчых арганізацый. Аднак самі яны адмаўляюцца набываць практычна пратэрмінаваныя крупы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com