Генеральны сакратар NATO: Трэба павялічыць ваенную падтрымку Украіны

Марк Рутэ мяркуе, што будучыня сусветнай бяспекі залежыць ад зыходу расейска-ўкраінскай вайны.

Генеральны сакратар NATO Марк Рутэ мяркуе, што будучыня сусветнай бяспекі залежыць ад зыходу расейска-ўкраінскай вайны. І каб дасягнуць устойлівага міру, неабходна павялічыць ваенную дапамогу Украіне.

Пра гэта паведамляе РБК-Украіна са спасылкай на ягоную заяву ў Еўрапейскім парламенце.

Паводле ягоных словаў, Расея паскарае кампанію дэстабілізацыі з дапамогай атак на інтэрнэт-кабелі, замахаў на забойства і актаў сабатажу супраць краінаў NATO. «Мы не знаходзімся ў стане вайны (з Расеяй, – рэд.), але таксама не знаходзімся ў стане міру», – заявіў ён.

Ён таксама заявіў, што занепакоены сітуацыяй з бяспекай у Еўропе. Паводле ягоных словаў, Еўразвяз павінен узмацніць абаронную прамысловасць, а NATO – унікаць бар'ераў паміж хаўруснікамі.

Рутэ падкрэсліў, што будучыня еўрапейскай і глабальнай бяспекі «залежыць ад зыходу вайны ва Украіне», і заклікаў еўрапейскіх хаўруснікаў у NATO павялічыць ваенную падтрымку Кіеву.

«Я не ведаю, як і калі скончыцца вайна. Але я ведаю, што мір не будзе доўгім, калі Пуцін дасягне сваіх мэтаў ва Украіне... Мір не будзе доўгім, калі Пуцін, Сі Цзіньпін, Кім Чэн Ын і рэжым у Тэгеране будуць адчуваць сябе мацнейшымі», – адзначыў генеральны сакратар NATO.

Акрамя таго, Рутэ анансаваў першы саміт краінаў-хаўрусніцаў NATO рэгіёну Балтыйскага мора, які павінен прайсці ў сталіцы Фінляндыі – Хельсінкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com