Белгідрамет: Цяперашняя зіма можа ўвайсці ў лік самых цёплых

У Беларусі дагэтуль не надышла кліматычная зіма.

На большай частцы тэрыторыі Беларусі кліматычная зіма дагэтуль не наступіла. Пад гэтым тэрмінам маецца на ўвазе пераход праз 0°C у бок паніжэння або падвышэння тэмпературы, паведамілі ў Белгідрамеце.

Падобнае адбывалася ў Беларусі ў 2021-м годзе. Тады кліматычнай зімы беларусы так і не дачакаліся.

На думку Вольгі Бакланавай, начальніцы аддзела вывучэння змен клімату службы метэаралагічнага і кліматычнага маніторынгу, фонду звестак Белгідрамету, цяперашняя зіма можа ўвайсці ў лік самых цёплых.

«Паводле перададзенага нам прагнозу, які носіць кансультацыйны характар, зімовы сэзон 2024/2025 у Беларусі чакаецца цяплейшы за звычайны з імавернасцю 60–75%», — расказала Бакланава.

Таксама ёсць імавернасць, што гэтай зімой беларусы ўбачаць больш ападкаў — ад 30 да 75% вышэй за норму, якая складае 115 мм ападкаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com