NАТО запускае місію аб бяспецы ў Балтыйскім моры

«Балтыйскі вартавы» будзе патруляваць воды ў найважнейшых раёнах.

Генеральны сакратар NАТО Марк Рутэ абвясціў аб запуску місіі «Балтыйскі вартавы» (Baltic Sentry), якая будзе патруляваць у найважнейшых раёнах Балтыйскага мора.

Як паведамляе a target="_blank" href=https://www.eurointegration.com.ua/rus/news/2025/01/14/7202520/>«Еўрапейская праўда», пра гэта ён абвясціў на брыфінгу ў Хельсінкі пасля саміту лідараў краін NАТО балтыйскага рэгіёну.

«Сёння я магу абвясціць, што NАТО запускае «Балтыйскага вартавога»... Гэтая вайсковая дзейнасць з'яўляецца складнікам нашых працяглых намаганняў ва ўзмацненні марской прысутнасці і маніторынгу найважнейшых для нашага Альянсу раёнаў», – заявіў Рутэ.

Ён адзначыў, што місія прадугледжвае прыцягненне шэрагу сродкаў, фрэгатаў і патрульных самалётаў.

Таксама супольнікі дамовіліся запусціць ініцыятыву выкарыстання найноўшых тэхналогій для патрулявання. «Гэта будзе ўключаць невялікі флот марскіх дронаў, якія будуць забяспечваць больш эфектыўны маніторынг і стрымліванне», - сказаў генеральны сакратар NАТО.

«Мы таксама працуем з супольнікамі над інтэграцыяй іх нацыянальных механізмаў назірання з NАТО, што забяспечыць комплекснае выяўленне пагроз», - дадаў Рутэ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com