У Гомельскай вобласці выявілі перавышэнне нормаў радыяцыі ў прадуктах

Перавышэнні нарматываў выяўленыя ў чатырох раёнах.

Тэрытарыяльныя падраздзяленні радыяцыйнага кантролю Гомельскай вобласці даследавалі ў снежні 135 проб харчовых прадуктаў і 11 проб вады на ўтрыманне цэзію-137. У тым ліку, 90 проб было ўзята ў дзяржсектары і ў іх не знайшлі перавышэнняў утрымання цэзію-137 і стронцыю-90.

"З прыватнага сектара на ўтрыманне цэзію-137 даследавана 45 проб харчовых прадуктаў, перавышэнні гігіенічных нарматываў выяўленыя ў 8 (17,8%) пробах: чатырох пробах грыбоў сушаных, трох пробах грыбоў свежых і прадуктах іх перапрацоўкі, адной пробе мяса дзікай жывёлы", - удакладнілі ў прэс-службе.

У Гомельскім санэпіднаглядзе расказалі, што перавышэнні нарматываў утрымання радыяцыі ў прадуктах харчавання былі выяўленыя ў Веткаўскім, Калінкавіцкім, Мазырскім і Нараўлянскім раёнах.

Таксама былі праведзеныя даследаванні 51 пробы вады і харчовых прадуктаў на ўтрыманне стронцыю-90, але перавышэнняў не выяўлена.

У профільным ведамстве нагадалі, што праверыць прадукты харчавання, вырабленыя ў асабістых гаспадарках, а таксама дары лесу, можна ў кожным тэрытарыяльным цэнтры гігіены і эпідэміялогіі.

"Даследаванні для насельніцтва праводзяцца бясплатна", - адзначылі ў прэс-службе ўстановы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com