Украіна вярнула дадому 25 украінцаў з расейскага палону

У Расею адправілі таксама 25 палонных акупантаў.

Украіна 15 студзеня правяла абмен палоннымі з Расеяй. Дадому ўдалося вярнуць 25 украінцаў, паведаміў у Telegram прэзідэнт краіны Уладзімір Зяленскі.

Ён адзначыў, што сярод палонных як цывільныя, так і вайскоўцы. Гэта абаронцы Марыупаля і «Азоўсталі», Харкаўскай, Данецкай, Запарожскай і Херсонскай абласцей.

«У хлопцаў цяжкія раненні і хваробы. Кожны з іх атрымае ўсю неабходную медыцынскую дапамогу», - падкрэсліў Зяленскі.

Дапамаглі з абменам Аб'яднаныя Арабскія Эміраты, дадаў прэзідэнт.

Упаўнаважаны Вярхоўнай Рады Украіны ў правах чалавека Зміцер Лубінец паведаміў, што сярод вернутых ёсць таксама цывільны. Яго акупанты захапілі ў Кіеўскай вобласці і незаконна ўтрымлівалі.

«Далей у прыярытэце - наданне вернутым неабходнага спектру медыцынскай дапамогі, выкананне аперацый і рэабілітацыя», - адзначыў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com