З Беларусі забаранілі вывозіць яблыкі і капусту

Абмежаванне ўвялі на тры месяцы, але яго могуць і падоўжыць.

Урад Беларусі ўвёў ліцэнзаванне вывазу агародніны і садавіны.

Адпаведную пастанову падпісаў прэм'ер-міністр Раман Галоўчанка.

Так, часовая забарона ўведзеная на экспарт белакачаннай капусты, яблыкаў, цыбулі рэпчатай, морквы, буракоў.

Вываз такой прадукцыі незалежна ад краіны яе паходжання за межы краіны будзе ажыццяўляцца з разавымі ліцэнзіямі, якія выдаюцца МАРГ праз узгадненне з Мінсельгасхарчам, аблвыканкамамі і Менскім гарвыканкамам.

«Пастанова аб магчымасці выдачы такой ліцэнзіі будзе прымацца ўпаўнаважанымі органамі зыходзячы з ацэнкі суадносінаў свабодных рэсурсаў гэтай прадукцыі ў Рэспубліцы Беларусь і патрэбаў краіны ў ёй на момант узгаднення ліцэнзіі», – удакладнілі ва ўрадзе.

Там таксама адзначылі, што пастанова прынятая ў мэтах забеспячэння ўнутранага рынку сельскагаспадарчай прадукцыяй у міжсезонны перыяд.

Часовая забарона прадоўжыцца тры месяцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com