SpaceX запусціла на Месяц ракету з двума прыватнымі модулямі

У выпадку поспеху місіі гэта стане найбуйнейшай камерцыйнай дастаўкай на спадарожнік Зямлі.

Кампанія SpaceX запусціла ракету-носьбіт Falcon 9 з двума месяцовымі модулямі, пабудаванымі прыватнымі кампаніямі ў ЗША і Японіі. Запуск Falcon 9 са стартавай пляцоўкі Касмічнага цэнтра імя Кэнэдзі ў Фларыдзе адбыўся ў ноч на сераду, 15 студзеня.

Як толькі Falcon 9 дасягне арбіты Месяца, пасадачныя модулі павінны падзяліцца і правесці незалежныя адзін ад аднаго даследаванні. На борце ракеты-носьбіта знаходзяцца два апараты. Адзін з іх – Blue Ghost – належыць амерыканскай кампаніі Firefly. Іншы модуль пад назовам Resilience належыць японскай кампаніі Ispace, якая ў 2023 годзе ўжо спрабавала пасадзіць свой апарат на месяцовую паверхню, але пацярпела няўдачу.

Падрыхтоўка да будучых палётаў чалавека на Месяц

Даследаванні, звесткі для якіх будзе збіраць Blue Ghost, накіраваныя на "паглыбленне разумення навакольнага асяроддзя Месяца і падрыхтоўку да будучых палётаў чалавека на месяцовую паверхню", заявілі ў Нацыянальнай управе аэранаўтыкі і даследавання касмічнай прасторы (NASA).

Каб дасягнуць Месяца, Blue Ghost спатрэбіцца амаль 45 дзён, Resilience - да пяці месяцаў.

Як падкрэслівае медыякампанія BBC, у выпадку поспеху місіі гэта стане найбуйнейшай камерцыйнай дастаўкай на Месяц на сённяшні дзень. Першай камерцыйнай кампаніяй, якая адправіла на Месяц пасадачны модуль у лютым 2024 гады, стала амерыканская Intuitive Machines.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com