У Менску надумалі ўсталёўваць новыя дарожныя знакі, якіх няма ў ПДР

Стала вядома, дзе менавіта паставяць, і што яны будуць азначаць.

У Менску неўзабаве павінны з'явіцца новыя дарожныя знакі, якіх няма ў дзейнай рэдакцыі Правілаў дарожнага руху (ПДР). У ДАІ ГУУС Менгарвыканкама паказалі, як яны будуць выглядаць, дзе іх можна будзе сустрэць і што будуць азначаць.

Новыя знакі надумалі ўкараніць для таго, каб знізіць "візуальны шум" для кіроўцаў і зменшыць колькасць дарожных знакаў на стойках. Для гэтага некаторыя знакі, зафіксаваныя ў беларускіх ПДР, аб'яднаюць, перадае «Менск-Навіны».

Так, вырашылі аб'яднаць знак 5.15 "Месца стаянкі" з дадатковай інфармацыйнай таблічкай 7.8 "Платныя паслугі", што на выхадзе дасць падобны новы знак, які абазначае месцы платнай паркоўкі:

Яшчэ адзін новы знак атрымаецца пасля аб'яднання знака 5.15 "Месца стаянкі" з дадатковай інфармацыйнай таблічкай 7.17 "Інваліды". Ён будзе адзначаць, адпаведна, месцы паркоўкі для людзей з абмежаванымі магчымасцямі.

Як адзначыў начальнік упраўлення ДАІ ГУУС Менгарвыканкама Дзяніс Лівановіч, такія знакі ўжо выкарыстоўваюцца ў суседняй Расеі і, як паказала практыка суседняй дзяржавы, гэта дае магчымасць зменшыць візуальную нагрузку на кіроўцу.

Лівановіч таксама растлумачыў, што нягледзячы на тое, што новыя знакі ў ПДР не ўнесеныя, яны былі ўзгодненыя з галоўнай управай ДАІ МУС Беларусі і пакуль будуць выкарыстоўвацца ў якасці экспэрыменту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com