У Балгарыі зацвердзілі склад новага ўрада

У краіны не было стабільнага ўрада апошнія некалькі год.

Народны сход Балгарыі (парламент) зацвердзіў склад новага ўрада на чале з прэм'ерам Расэнам Жалязкавым, які з'яўляецца прадстаўніком кааліцыі «Грамадзяне за еўрапейскае развіццё Балгарыі» - «Саюз дэмакратычных сіл». Пра гэта паведамляе БНР у чацвер, 16 студзеня.

За ўрад на чале з Жалязкавым прагаласавалі 125 дэпутатаў, супраць выказаліся - 114. Адразу пасля галасавання новы ўрад прыняў прысягу. У яго склад увайшлі тры віцэ-прэм'еры і 19 міністраў.

Склад урада быў узгоднены пасля перамоў, якія скончыліся пагадненнем паміж ГЕРБ - СДПН, Балгарскай сацыялістычнай партыяй і папулістамі з партыі «Ёсць такі народ».

Як вядома, у апошнія некалькі гадоў у Балгарыі працягваўся палітычны крызіс праз няздольнасць парламента сфармаваць стабільны ўрад. За апошнія чатыры гады адбылося сем датэрміновых выбараў, і ўсе яны не змаглі прывесці да фармавання сталага ўрада.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com