Брытанія перадасць Украіне 150 ствалоў артылерыі

Таксама ў новым пакеце дапамогі будзе сістэма СПА.

Вялікая Брытанія найбліжэйшым часам перадасць Украіне 150 ствалоў артылерыі і новую мабільную сістэму супрацьпаветранай абароны.

Пра гэта стала вядома падчас прэс-канферэнцыі прэм'ер-міністра Вялікай Брытаніі Кіра Стармера і прэзідэнта Украіны Уладзіміра Зяленскага ў чацвер, 16 студзеня, паведамляе карэспандэнт «Еўрапейскай праўды».

Як заявіў Стармер у Кіеве, сёлета Вялікая Брытанія ўжо выдзеліла 3 млрд фунтаў стэрлінгаў на вайсковую дапамогу.

«Мы ідзём далей, каб падтрымаць лінію фронту, падаючы 2,2 млрд фунтаў стэрлінгаў, якія будуць вернутыя не Украінай, а за кошт адсоткаў ад замарожаных расейскіх актываў», – сказаў прэм'ер.

Ён анансаваў, што Брытанія перадасць Украіне 150 ствалоў артылерыі, вырабленых кампаніяй Sheffield Forgemasters.

«Упершыню за больш чым 20 гадоў гэтыя ствалы будуць вырабленыя ў Вялікай Брытаніі. І яны пачнуць паступаць ва Украіну ўжо праз некалькі тыдняў», - заявіў кіраўнік брытанскага ўрада.

Стармер таксама анансаваў пастаўкі новай мабільнай сістэмы супрацьпаветранай абароны, якая распрацоўвалася супольна з Даніяй.

«Мы будзем працаваць з хаўруснікамі, каб узмацніць гэтую працу.

Дазвольце мне сказаць вельмі дакладна, калі гаворка ідзе аб трэніроўцы ўкраінскіх абаронцаў. Нішто не здымаецца з парадку дня», - падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com