Магіляўчанка заплаціла 2,5 тысячы рублёў за ўстаноўку аперацыйнай сістэмы, драйвераў і антывірусу

Што было далей.

Пракурор Магілёва пачаў крымінальную справу аб махлярстве ў дачыненні да 19-гадовага самазанятага жыхара Менска. Прычынай стала высокая плата за паслугі, прапанаваныя 69-гадовай магіляўчанцы, паведамілі ў пракуратуры Магілёўскай вобласці.

У верасні 2024 года магіляўчанка звярнулася праз аб'яву з мэтай рамонту і абслугоўвання персанальнага камп'ютара.

«Прыбылы малады чалавек выканаў, паводле ягоных словаў, устаноўку аперацыйнай сістэмы, драйвераў і антывірусных праграмаў. Пасля заканчэння працы ён заявіў пра неабходнасць платы за паслугі памерам 2,5 тысячы рублёў», – расказалі ў пракуратуры

Аддаўшы ўсе грошы, жанчына праз некаторы час стала ўсведамляць, што яе падманулі. Яна звярнулася ў пракуратуру, там ініцыявалі праверку.

«Вызначана, што малады чалавек, злоўжываючы даверам, увёў жанчыну ў зман наконт аб'ёму паслуг і істотна завысіў іх кошт. Рэальны кошт выкананай працы не перавышаў 100 рублёў», – мяркуюць у пракуратуры.

Пракурор Магілёва пачаў крымінальную справу аб махлярстве паводле ч. 1 арт. 209 КК, і цяпер менскаму кампутарніку пагражае пакаранне ад штрафу да трох гадоў калоніі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com