Ракета Starship Ілана Маска ўзарвалася падчас тэставага палёту

Праз 8,5 хвілін пасля запуску.

Ракета Starship кампаніі SpaceX Ілона Маска ўзарвалася падчас сёмага выпрабавальнага палёту. Гэта першы з 2023 года выпадак, калі SpaceX не ўдалося вывесці карабель на зададзеную траекторыю - у лістападзе 2023 года SpaceX страціла карабель прыкладна праз восем хвілін пасля запуску.

Як піша Bloomberg, ракета стартавала на аб'екце SpaceX Starbase ў Тэхасе а 16:37 паводле мясцовага часу ў чацвер. Меркавалася, што яна паспрабуе дасягнуць каляарбітальных хуткасцяў і выведзе на арбіту 10 імітатараў касмічных апаратаў. Гэта была першая спроба ракеты вывесці груз у космас.

Але крыху менш чым праз 8,5 хвілін пасля пачатку місіі SpaceX страціла сувязь са Starship. Каментатары запуску заявілі, што апарат "згубіўся".

Пазней Ілан Маск апублікаваў на сваёй старонцы ў X відэа з абломкамі, якія падаюць з неба, заявіўшы, што "поспех нявызначаны, але забаўка гарантаваная".

У пазнейшым допісе Маск сказаў, што папярэдне чыннікам аварыі стаў выцек кіслароду/паліва.

У той жа час SpaceX здолела вярнуць назад на Зямлю ніжнюю частку ракеты.

Абломкі ракеты ўпалі ў Атлантыку. Пры гэтым Федэральная ўправа грамадзянскай авіяцыі заявіла, што была вымушаная змяніць маршруты самалётаў у гэтым раёне.

«Камерцыйныя рэйсы, якія выконваюцца JetBlue Airways Corp. і American Airlines Group Inc., былі вымушаныя прыняць меры, каб пазбегнуць наступстваў», - піша Bloomberg.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com