Літва падвысіць выдаткі на абарону да 5-6% ВУП

Пра гэта заявіў прэзідэнт краіны Гітанас Наўседа.

Літва мае намер падвысіць выдаткі на абарону. У перыяд з 2026 да 2030 года на іх будзе выдзяляцца ад пяці да шасці працэнтаў усяго валавога ўнутранага прадукту краіны. Пра гэта ў пятніцу паведаміў прэзідэнт Літвы Гітанас Наўседа.

Неабходнасць падвышэння ваенных расходаў Наўседа звязаў з расейскай агрэсіяй ва Украіне, якая працягваецца і якая пагражае бяспецы ўсіх еўрапейскіх краін. «Магчымасць расейскай вайсковай агрэсіі застаецца рэальнай, але яна не з'яўляецца непазбежнай. Нам неабходна значна павялічыць нашы намаганні для ўмацавання абароны і стрымлівання, выдзеліць для гэтай мэты больш рэсурсаў, - сказаў прэзідэнт. - Нашы Узброеныя сілы павінны мець неабходнае ўзбраенне, тэхніку, асабовы склад, забеспячэнне, і ўсё гэта павінна быць атрыманае своечасова. Толькі ў гэтым выпадку інвестыцыі ў абарону акупяцца і будуць мець максімальны стрымлівальны эфект».

Міністарка абароны Літвы Давіле Шакаленэ ўдакладніла, што сродкі, якія выдаюцца на абарону, будуць перш за ўсё выдаткоўвацца ў якасці авансавых плацяжоў вытворцам узбраення. Літва мае намер закупіць танкі "Леапард", іншыя платформы цяжкага ўзбраення, сучасныя сістэмы СПА.

На гэты момант ваенныя выдаткі Літвы складаюць блізу 3% ВУП. Калі яны будуць падвышаныя, Літва стане першай еўрапейскай краінай, якая дасягне мэты на 5% ВУП, якія адлічваюцца на абарону, заяўленай абраным прэзідэнтам ЗША Дональдам Трампам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com