Ва Украіне загінула беларуская добраахвотніца і гераіня пратэстаў 2020-га года Марыя Зайцава
53- 17.01.2025, 21:34
- 26,192
Падчас пратэстаў у 2020 годзе яна была параненая светлашумавой гранатай.
Ва Украіне загінула добраахвотніца з Беларусі Марыя Зайцава.
Многія памятаюць беларуску з фота, зробленага 9 жніўня ў Менску каля Стэлы. Тады дзяўчына была параненая светлашумавой гранатай, а ў целе было некалькі раненняў ад гумавых куляў. Марыі зрабілі некалькі аперацый у Беларусі, а потым вывезлі на лекаванне ў Чэхію.
Пасля пачатку вайны дзяўчына далучылася да абаронцаў Украіны.
Дзяўчына загінула ў баях пад Бахмутам, дзе ваявала ў складзе 2-га Інтэрнацыянальнага легіёну.
Толькі ўчора ёй споўнілася 24 гады.
Марыя родам з Гомеля, у жніўні 2020 года разам з сябрам прыехала ў Менск спецыяльна для ўдзелу ў пратэстах супраць фальсіфікацыі прэзідэнцкіх выбараў.
«Нас закідалі светлашумавымі гранатамі, я адразу страціла прытомнасць, мяне параніла ў галаву, я была кантужаная.
Мае сябры адцягнулі мяне ад дарогі, яны таксама былі параненыя, пасечаныя аскепкамі. Нейкім чынам у мяне яшчэ ў сцягне апынуліся тры гумавыя кулі. Мусіць, гэта адбылося ўжо тады, калі я страціла прытомнасць. Відаць, я выглядала вельмі небяспечнай на зямлі.
Ачулася я ў рэанімацыі», – расказвала яна сама пра тое, што тады адбылося, у адным з інтэрв'ю.
Пасля гэтага Марыя паўтара месяца ляжала ў шпіталі ў Беларусі, а пасля паехала на лекаванне ў Чэхію. Ёй зрабілі некалькі аперацый, але праблемы ўсё роўна захаваліся. Пасля перажытага ў яе ў мозгу, як яна сама расказвала, заставалася гематома. Акрамя таго, яна аглухла на адно вуха.
«Зразумела, што мяне гэта змяніла вельмі моцна. Мяне да гэтага часу крыху жарэ ПТСР (посттраўматычныя разлады). Я не магу сваё жыцьцё больш не звязваць з Беларуссю.
Калі не з Беларуссю, то я не ведаю, з чым яшчэ. Бо я аддала здароўе за гэта. І я праўда верыла ў нашу ідэю, і я вельмі хачу, каб у маёй краіны ўсё атрымалася. Я хачу гэта ўбачыць і вярнуцца туды», – казала Марыя.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
