У Берасцейскай вобласці выратавалі бусла, вымушанага застацца зімаваць у Беларусі

Відэа.

Малады бусел, пакінуты бацькамі, быў выратаваны ў Івацэвічах. Пра гэта паведамляе тэлеграм-канал «#1 регион» прэс-службы Берасцейскага аблвыканкама.

Чырванадзюбую птушку, якая не паляцела ў гарачыя краіны, а засталася зімаваць у Івацэвічах, жыхары заўважылі ў пачатку студзеня. Бусел, імкнучыся бліжэй да цяпла, і спрабуючы выратавацца ад снегу і ветру, некалькі дзён хаваўся пад гаўбцом жылога дома амаль у самым цэнтры горада – на вуліцы 70 гадоў Кастрычніка.

Гараджане, турбуючыся пра птушку, якая можа загінуць у маразы, паведамілі пра яе ў адпаведныя службы. Супрацоўнікі МНС адлавілі бусла, пасля чаго перадалі яго спецыялістам Івацэвіцкай раённай ветэрынарнай станцыі і службы аховы прыроды для дапамогі.

Бачных і нейкіх моцных траўмаў ветэрынары ў бусла не знайшлі. Спецыялісты мяркуюць, што выратаваная птушка – вельмі маладая. Будучы апошнім у гняздзе, і стаўшы познім злёткам, бусел проста не набраў сілаў для доўгага пералёту і ягоныя бацькі былі вымушаныя пакінуць яго зімаваць у Беларусі.

Злоўленага і падлечанага бусла адвезлі ў заказнік «Выганашчанскі», дзе ён цяпер зможа спакойна дачакацца вясны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com