СБУ прыйшла з ператрусамі да прарасейскага прапагандыста

Ён быў вядоўцам на каналах Медзведчука.

Раніцай 18 студзеня СБУ правяла ператрусы ў Макса Назарава. Гэта вядомы экс-вядоўца, які працаваў на каналах алігархаў Віктара Медзведчука і Яўгена Мураев.

Пра гэта паведамляе РБК-Украіна са спасылкай на крыніцы ў СБУ.

«СБУ правяла ператрусы ў Макса Назарава (сапраўднае імя – Назар Дыярдзіца). Гэта вядомы экс-вядоўца, які працаваў на каналах Медзведчука і Мураева», – расказалі крыніцы.

Пасля пачатку поўнамаштабнага ўварвання РФ ён прадоўжыў запрашаць на свае эфіры ў YouTube пракрамлёўскіх экспертаў і апраўдваць расейскую агрэсію.

Сярод іншага, паводле звестак СБУ, падчас інтэрв'ю і сам аўтар, і госці студыі неаднаразова спрабавалі апраўдаць ваенныя злачынствы акупантаў, напрыклад ракетныя ўдары па цывільнай інфраструктуры Украіны.

«Частым госцем фігуранта быў яшчэ адзін пракрамлёўскі блогер, які ў лютым 2024 года ўжо атрымаў падазрэнне ад следчых СБУ. Тады суд абраў для яго захад стрымання – хатні арышт, але пасля блогер прадоўжыў падрыўную дзейнасць у інтарэсах Масквы», – кажуць у СБУ.

Абодва фігуранты публічна спрабавалі дыскрэдытаваць Украіну на міжнароднай арэне і расхіствалі грамадска-палітычную абстаноўку ўнутры краіны. Ініцыяваная СБУ судова-лінгвістычная экспертыза пацвердзіла факты ўчынення злачынстваў з боку абодвух блогераў.

Развязваецца пытанне пра абранне фігурантам захаду стрымання ў выглядзе ўтрымання пад вартай. Ім пагражае да 8 гадоў зняволення з канфіскацыяй маёмасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com