«Яна стала дзейснай снайперкай»

Сталі вядомыя абставіны гераічнай гібелі Марыі Зайцавай.

Ва Украіне загінула добраахвотніца з Беларусі Марыя Зайцава.

Некралог на гібель беларускі апублікаваў на сваёй старонцы ў Facebook Руслан Мірашнічэнка – камандзір 2-га Міжнароднага легіёну Узброеных сілаў Украіны.

«Мозг ірве на часткі... Не магу маўчаць, і я не магу сказаць больш, чым можна», – пачаў свой допіс Мірашнічэнка.

У Легіёне Марыя была з першых дзён яго фармавання. З 2022 года Марыя працавала ў медпункце, але гаварыла, што гэта не яе і што яна павінна быць у акопе з хлопцамі.

У 2023 годзе на Усходнім фронце, дапамагаючы ўкраінскім байцам, Марыя атрымала раненне.

Пасля рэабілітацыі, прайшоўшы навучанне і трэніроўкі цягам некалькіх месяцаў, Марыя Зайцава стала дзейснай снайперкай.

Камандзір легіёну паведаміў абставіны гібелі беларускі:

«Сёння ноччу пад Пакроўскам яна папрацавала добра, але арта робіць сваё. Узгадайце Марыю сёння. Памаўчым... яна аддала жыццё за нашу і вашу свабоду. За свабодную Беларусь і свабодную Украіну. Моцная дзяўчына-ваярка. Гонар!»

На гэты момант цела загінулай знаходзіцца ў зоне абстрэлу пад Пакроўскам.

У жніўні 2020 года фатаграфія беларускі са скрываўленым тварам абляцела інтэрнэт. Марыя была параненая падчас акцыі пратэсту ля Стэлы ў Менску. Тады побач з ёй адбыўся выбух шумавой гранаты, кінутай сілавікамі. Пасля некалькіх аперацый на радзіме Марыю эвакуявалі ў Чэхію, дзе яна прадоўжыла рэабілітацыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com