The Telegraph: NATO блакуе расейскі флот у Балтыйскім моры
15- 19.01.2025, 11:33
- 19,524
Ціск расце.
Вайскова-марскі флот Расеі сутыкаецца з усё большымі выклікамі ў Балтыйскім моры праз намаганні NATO і яго новых сябраў заблакаваць расейскія караблі. Швэцыя, якая далучылася да NATO ў 2024 годзе, размясціла новую супрацькарабельную ракету RBS 15 Mark 3, здольную атакаваць расейскія караблі ў Санкт-Пецярбургу і Калінінградзе, піша вайсковы аглядальнік Дэвід Акс у артыкуле для The Telegraph.
«Швэцыя атрымае значнае павелічэнне магчымасцяў, дзякуючы супрацькарабельнай ракеце, якая мае ўдасканаленую галоўку саманавядзення, павялічаную далёкасць і вялікую боегалоўку», – заявіў Гьёрген Ёхансан, выканаўчы дырэктар Saab.
RBS 15 Mark 3, абсталяваная радыёлакацыйным навядзеннем і далёкасцю да 190 км, дазваляе атакаваць караблі і наземныя цэлі. У спалучэнні з датчыкамі на сушы, у паветры, на вадзе і пад вадой ракеты фактычна блакуюць доступ расейскім вайсковым караблям да Атлантычнага акіяна.
Расейскі флот сутыкаецца з ціскам не толькі ад Швэцыі. Іншыя краіны Балтыйскага рэгіёна значна ўзмацнілі сваю абарону. Эстонія закупіла ракеты Blue Spear 5G з далёкасцю 200 міль, а Латвія набыла ракеты Naval Strike.
«Абраная сістэма зброі стане краевугольным каменем вайскова-марской абароны Эстоніі на наступныя дзесяцігоддзі», – сказаў Юры Саска, камандуючы ВМС Эстоніі.
З пашырэннем NATO і далучэннем да альянсу Швэцыі і Фінляндыі Балтыйскае мора стала адным з самых складаных рэгіёнаў для расейскага флоту. Гэта ставіць пад сумнеў яго здольнасць эфектыўна дзейнічаць ва ўмовах канфлікту з NATO.
Акс піша, што пытанне аб тым, ці можа расейскі флот супрацьстаяць у Балтыйскім моры, калі напружанне з NATO перарасце ў адкрытую вайну, застаецца адкрытым.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
