Салдаты КНДР раптоўна зніклі з поля бою

Байцы УСУ расказалі, чаму гэта адбылося.

Пасля некалькіх тыдняў бесперапынных нападаў паўночнакарэйскія салдаты, якіх дыктатар КНДР Кім Чэн Ын адправіў у Расею для ўдзелу ў вайне супраць Украіны, практычна не з'яўляліся на полі бою.

Аб гэтым 19 студзеня піша The Washington Post, спасылаючыся на ўкраінскіх вайскоўцаў, якія ваююць у Курскай вобласці РФ.

Пры гэтым, указваюць суразмоўцы журналістаў, расейскія войскі працягваюць наступаць на ўкраінскія пазіцыі на Куршчыне.

"Раптоўнае знікненне" паўночнакарэйцаў з поля бою можа быць прыкметай таго, што яны перагрупоўваюцца і ацэньваюць будучыя дзеянні, адзначаецца ў артыкуле. Таксама гэта можа быць вынікам шматлікіх траўмаў і знясілення пасля нядаўніх баёў.

«Яны залізваюць раны», - цытуе WP украінскага салдата па імені Віталь, які ў снежні правёў восем гадзін у перастрэлцы з вайскоўцамі войска КНДР.

Са слоў украінскіх байцоў, калі паўночнакарэйцы толькі з'явіліся на полі бою ў Курскай вобласці, яны перасоўваліся вялікімі групамі і нават не спрабавалі схавацца ад украінскіх дронаў. У выніку шмат хто быў забіты ў першых жа штурмах.

Аднак тыя, хто ўдзельнічаў у наступных баях, паказалі сябе баяздольнымі, моцнымі і добрымі стралкамі, распавялі байцы УСУ журналістам. Паўночнакарэйцы вучацца на сваіх памылках і адаптуюцца да вайны ў сучасных умовах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com