У Беларусі з аўкцыёну прадалі надзел рэкордным коштам

Дзе ён знаходзіцца і ў колькі каштаваў пакупніку?

Гэтымі днямі адбыўся аўкцыён у продажы зямельных надзелаў у прыватную ўласнасць грамадзян Беларусі, піша realt.by.

На ім рэалізоўвалі надзелы для будаўніцтва жылых дамоў у вёсках, размешчаных на тэрыторыі Азярыцка-Слабодскага сельсавета Смалявіцкага раёна Менскай вобласці.

Даражэй за ўсё прададзены пляц №1 з кадастравым нумарам 624883001101000257, які размешчаны ў вёсцы Батурынка на адрасе вуліца Цэнтральная, 13А. Адлегласць населенага пункта ад Менска - блізу 22 кіламетраў. Участак плошчай 10 сотак размешчаны каля ракі Дамелька. Да яго можна падвесці электра-, газа-, водазабеспячэнне і каналізацыю.

Лот ацэнены на 50 000 рублёў. Купіць яго хацелі 14 чалавек, але адзін з іх не прайшоў рэгістрацыю. У выніку таргоў надзел сышоў з малатка 382 100 рублёў, што эквівалентна крыху больш за $110 тысячам.

Такім чынам пабіты рэкорд 2024 года, калі самы дарагі ўчастак быў прададзены ў Ляскоўцы і абышоўся пакупніку $101 тысячу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com