У Расеі ўвялі падатак, які закране і беларусаў
23- 2.01.2025, 19:17
- 34,650
Плаціць давядзецца за кожны дзень.
З 1 студзеня 2025 года ў Расеі з'явіўся турыстычны падатак. Магчымасць яго ўводзіць дадзеная ўладам рэгіёнаў і гарадоў федэральнага значэння, піша расейскае выданне РБК. Тлумачым, што памяняецца для беларусаў.
Ва ўмовах закрытай авіяпрасторы з Еўропай, складанасці з атрыманнем візы і чэргамі на межах Расея з'яўляецца найбуйнейшым турыстычным кірункам для беларусаў.
Цяпер яны сутыкнуцца з турыстычным падаткам - новым абавязковым плацяжом з даходу ад гатэльнай дзейнасці. На гэты момант яго ўвялі такія гарады, як Краснадар, Растоў-на-Доне, Архангельск, Перм, Петразаводск, Зеленаградск, Светлагорск, Вялікі Ноўгарад, Казань, а таксама Майкопскі раён Адыгеі. У будучыні гэты спіс відавочна павялічыцца. Грошы накіруюць на паляпшэнне гарадской інфраструктуры, грамадскіх прастор, прасоўванне турыстычнага брэнда рэгіёнаў.
Турыстычны падатак налічваецца на ўсю суму паслуг часовага размяшчэння ў гатэлі ці апартаментах. Яго стаўка складае 1% ад цаны пражывання ў 2025 годзе, але не менш як 100 расейскіх рублёў (2,8 беларускіх рублі) за дзень.
Сума здаецца невялікай, аднак у наступныя гады яна будзе павялічвацца. У 2025 годзе - 1%; у 2026 годзе - 2%; у 2027 годзе - 3%; у 2028 годзе - 4%; з 2029 года ліміт стаўкі - 5%. Акрамя таго, падатковыя стаўкі могуць вагацца з улікам сезоннасці і (або) катэгорыі нумара, куды засяляецца госць.
Падаткаплацельшчыкамі стануць арганізацыі і фізічныя асобы, якія валодаюць гатэлямі, апартаментамі, хостэламі і гэтак далей. Аднак, як адзначае РБК, выплачваць новы падатак трэба будзе жыльцам. Аб'екты ўключаць суму падатку ў кошт нумара, не жадаючы страчваць прыбытковасць бізнэсу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
